كان ياما كان ياساده ياكرام وما يحلي الكلام الا بذكر النبي عليه الصلاه والسلام ، كان سابق العصر والاوان ( تقريبا ثلاث سنوات )
فيه ناس اتجمعت في ميدان
وافتكرت انها لقيت زي علاء الدين المصباااااح وهاتك ياصياح
هوبا هو دا اللي حيحقق العدل والاماااان والحريه والطيموكراتيه ويخللي العيشه هنيه
واحد قلهم ياجماااااااعه يااااااااااجماعه فكروا كويس قبلوا ماتحكوا المصباح والاماني مش بالصياح لان جوه القمم عفريت
وقبل ماتطعلوه اعرفوا ازاي بعدين حتصرفوه
ردوا عليه بسخريه ايش عرفك انت ياجاهل دا احنا الشعب المناضل
يانااااااااس اللي فات صحيح ظلم لكن طريق العفريت حيجيب ظلمات ...
اسكت ياعميل يافلولي ياخاين انت عدوالثوره ظاهر عليك وباين ....
وطلع العفريت من القمم ترلم ترلم ترلم ....
مغاره علي بابا المأموله اكتشفوا انها مقفوله ترلم ترلم ترلم ....
افتح ياسممم عشان ناخد الماس والدهب والمرجان ... ترلم ترلم ترلم ....
سمسم مافتحش لابالصياح ولابالصندوق ولاحتي بتحضير الجان ترلم ترلم ترلم
واكتشفوا ان لافيه مغاره ولا كنوز ولاحتي من الكريم حجاره ....ترلم ترلم ترلم
العفريت توهكوا ضحك عليكوا ماحنا ياما قولنالكوا ....
لا لا لا القمقم مالوش دعوه القمقم مظلوم دا اكيد دخله عفريت عميل صهيوني ماسوني امريكاني صربي قطري تركي اثيوبي حمساوي فلولي ايراني سعودي كويتي امارتي ابريلي عسكري اخواني سلفي ارهابي يساري اشتراكي كااااااااااااااااااااااافر بن كلب هو اللي توهنا ......
طب وبعدين حتجيبوا الحل منين ؟ مالكش دعوه انت احنا قادرين
وحنصرف العفريت ونرقع الزغاريت ونرقص بالنبابيت وحنسحق ولاد التيت .....
صحيت من النوم والاقي نفسي غرقان عرق وقلت اعوذ بالله من الشيطان الرچيم دا ايه الكابوس ده خير اللهم اجعله خير هم السبع سنوات العجاف عدوا ولالسه ؟ نعد كده واحد اتنين ثلاثه ...... ياخبر لسه اربع سنين ؟
No comments:
Post a Comment